سلطنه وسلطان

سلطنة و سلطان

للشاعر عبدالرحمن بن مساعد



في زمن وهمي من الأزمان
كان ياما

وياما كان
سلطنة وسلطان



وفي يوم من الأيام ..
يتصفح السلطان جريدة ..
موضوع يسترعي اهتمامه ..
أحمد محمد سلامه ..
فـرد من أفراد شـعبه ..
يائس وأوضاعه صعبه ..


في الصبح يشتغل بواب .. في مدرسة أطفال ..
وفي الليل يشتغل شيّال .. عنده ثلاث عيال ..
فيهم مرض نادرعضال ..
ماله علاج إلا في بلدان بعيدة ..
كلفته ما يحتملها وفاقته أصلاً شديدة ..
انسدت الدنيا أمامه ..
وارتأى أن الطريقة الوحيدة ..
لفتح أبواب الأمل .. انه يوجه ندا .. عبر الجريدة ..
لاهل الكرم .. واهل الشهامة

تبرق .. في عين سلطان البلاد غمامة ..
ويهطل الدمع من عينه ..
يمسح الدمع بكفوفه ..
ويخلع العمامة ..
ويرفع للسما راسه ..
ويقول ..
ياربي الفرد الصمد ..
سترك وعفوك ..
ألهتنا عن الناس ..
أمور الحكم والسياسة ..

ينادي سلطان البلد :
يا حاجب ..
استدعي وزير السلطنة الأول .. رعد ..


يجي رعد .. ويبدي ولاَءه واحترامه ..
صاحب المجد والكرامة ..
سيدي السلطان أمرك ..

أي كرامة يا رعد .. أي كرامة
والمواطن في البلد .. ضايع مقامه ..
اتركك عن هالحكي .. واسمعني زين
هذي مليونين خذها ..
وصلها لمحمد سلامة..
أحمد محمد سلامة


خذ الجريدة .. تلقى التفاصيل في الجريدة
لكن اسمع يا رعد .. ما أبي يدري أحد
أحذرك .. لا صحافه .. ولا جرايد
هذي لوجه الله أبيها ..
ويعلم الله .. من وراها ..
ما أبي مدح وقصايد ..
أرتجي عفو الكريم ..
في يوم بالأهوال زايد ..

سيدي السلطان خيرك .. في القديم وفي الجدايد ربي يجزيك المثوبة .. ويعينك بوقت الشدايد

يخرج رعد .. ويستدعي وزير المال والأحوال .. مرسال ..
يجي مرسال .. أمرك معالي وزير السلطنه الأول ..
تعال يا مرسال .. فوراً وفي الحال
خذ المليون هذا ..
وسلموه .. للمواطن أحمد محمد سلامه .. من سيدي السلطان خذ الجريدة .. تلقى التفاصيل في الجريدة مرسال .. لابد هذا يتم الآن .. فوراً وفي الحال وبأقصى درجات السرية والكتمان ..
هذي أوامر سيّدي السلطان ..


يخرج مرسال .. ويستدعي كبير الحراّس .. فراس

يجي فراس
أمرك يا وزير المال والأحوال ..
فراس .. تعال
خذ هذي خمسمية ألف..
سلموها .. للمواطن أحمد محمد سلامه .. من سيدي السلطان خذ الجريدة .. تلقى التفاصيل في الجريدة خذها الآن .. فوراً وفي الحال سلمها

وبأقصى درجات السرية والكتمان
هذي أوامر سيدنا السلطان ..

يخرج فراس .. ويستدعي النقيب .. حبيب
يجي حبيب .. أمرك ياكبير الحراس
حبيب تعال ..
خذ هذي المية ألف..
سلموها للمواطن .. أحمد محمد سلامه .. من سيدي السلطان خذ الجريدة .. تلقى التفاصيل في الجريدة خذها الآن سلمها .. فوراً وفي الحال

وبأقصى درجات السرية والكتمان
هذي أوامر سيدنا السلطان

يخرج حبيب ..
ويستدعي مسئول المساكن .. مازن
مازن .. تعال .. خذ الخمسين ألف هذي
سلموها للمواطن .. أحمد محمد سلامة .. من سيدي السلطان خذ الجريدة .. تلقى التفاصيل في الجريدة خذها الآن سلمها .. وفوراً وفي الحال وبأقصى درجات السرية والكتمان هذي أوامر سيدنا السلطان

يخرج مازن .. ويستدعي رئيس الحي ..

اللي ساكن فيه أحمد .. عبد الحي

يجي عبد الحي ..
عبد الحي تعال
خذ هالعشرين ألف
سلموها .. للمواطن أحمد سلامه
خذ الجريدة .. تلقى التفاصيل في الجريدة
خذها الآن .. وسلمها لأحمد سلامة
عبد الحي .. أهم شي السرية والكتمان ..
هذي أوامر السلطان ..

يخرج عبد الحي ..
ويتوجه لمكتبه في الحي ..
ويستدعي مساعِدُه أمين ..

تعال ياأمين .. تعال .. شوف الجريدة
وخذ الألف هذي .. سلمها لأحمد سلامه
ساكن هناك .. عمارة في آخر الشارع
جنب مدرسة الكرامة
الدور الرابع .. شقة ستة
وديها الآن .. وقل له
هذي من سيدنا السلطان
واسمع ياأمين
احرص على السرية والكتمان
هذي أوامر السلطان

أمين واقف ورا باب شقة
أحمد محمد سلامة
يدق الباب
صوت من خلف الباب
مين ؟
ـ أنا أمين .. مساعد رئيس الحي .. عبد الحي

يفتح الباب .. أهلين وسهلين
هذا بيت أحمد سلامه؟
نعم أنا أحمد سلامه
أحمد محمد سلامة ؟

أحمد محمد سلامه ..
ممكن إثبات
طبعاً أكيد
فعلاً أحمد محمد سلامة

سيدنا السلطان .. موضوعك استرعى اهتمامه
سيدنا بيسلم عليك
وحب يطّمن عليك
وكلفنا ننقل لك رسالة :
سيدنا السلطان .. أدام الله أيامه
يتمنى للأطفال عندك ..
كل الشفا وكل السلامة
مبروك يا أحمد تستاهل ..
مع السلامة .. !

مبارك عليكم الشهر

كل عام وأنتم بخير

وطني الكويت سلمت للمجد

ذكرى الغزو العراقي الغاشم لبلدنا الحبيب الكويت
2-8-1990

محطات صيفية

النائب عبدالواحد العوضي: نشاط محموم لمتابعة صرف المنحة وتجميع النواب لاقرارها , شكله ماكو سفره السنه وقاعد الله يعطيه العافيه يضبط بهالمواطنين , والله عفارم عليك يابوخالد بس السالفه ان الحين اقرت المنحه شبتسوي بعد يالله ترانا ناطرينك

النائب وليد العصيمي: يطالب بمحاسبة وزارة الصحة لتأخرها في ارسال المرسلين للعلاج بالخارج(مرضى البواسير والفتاق والتدليك والتهميز).....بارك الله فيك ياوليد وكثر الله من أمثالك زين تكلمت

النائب سعدون حماد العتيبي (المحترم) :يعتدي بالضرب على نائب مدير إدارة العلاج بالخارج (موغريبه هذا سلوك الفداوية) والله المسكين قلبه على العالم شيسوي بعد , ويطالب المروربالإستغناء عن كاميرات مراقبة السرعه و يطالب بإسقاط القروض عن المواطنين

النائب خلف دميثير العنزي: حده متكول بلندن ولا راد على أحد لاعلاج بالخارج ولاقروض خله يعدل مزاجه وبعدين يرد الكويت يشوف أحد يسبه ولايطقه بقلاص ماي

حضرة سمو رئيس مجلس الأمه حفظه الله ورعاه: مقزرها بلندن ومخلي القرعه ترعى

النواب: أحمد السعدون , فيصل المسلم , مسلم البراك , محمد المطير , ناصر الصانع , مرزوق الحبيني , محمد الخليفه , أحمد الشحومي , جمعان الحربش , فيصل الشايع, عادل الصرعاوي: سيل من الأسئلة والقوانين الإصلاحيه

1

1

1

1

1

في نهاية هذه المحطات يبقى الان الدور عليكم لملاحظة الفرق بين إصلاحنا الذي ننشده وإصلاحهم الذي يتسم بالعداله

صارت باعها بومشعل

دميثير: لن أتعاون مع هذه الحكومة

1

1
أعلن عضو مجلس الأمة خلف دميثير العنزي عن رفضه للحكومة الجديدة، وقال لـ الوطن رداً على سؤال حول رؤيته

تجاه تشكيلتها: أنا لن أتعاون مع هذه الحكومة. وأنا غير مقتنع بتشكيلتها

تاريخ النشر: الثلاثاء 11/7/2006

1

1

1

1

1

التعليق: لا لا لا يا بومشعل مو هذي الهقوه يرحم والديك تعاون وياها ولا ترا البلد بتروح ملح إذا ما تعاونت وياها أنت وأمثالك الشرفاء ....إحنا نقدر حسك بالمجلس الوطني وحرصك على الدستور حق التقدير ولكن هذا الواقع يابومشعل وإذا أنت حدك مصمم على عدم التعاون مع هذه الحكومه ليش ماتستقيل أحسن لك وتجابل غنمك وجواخيرك أشرف لك ....اشوفك شاد حيلك ماتبي تتعاون وياها توا طلع لك حس يالحكومي ولا ليش عراب الفساد موموجود بهالحكومه صارت غير مقنعه...والله ياجماعه عشنا وشفنا بومشعل يتكلم على التشكيله الحكوميه ويقول غير مقنعه ,,يرحم والديك إذا التشكيله مو مقنعه يعني إنت اللي مقنع من 81 لي الحين شسويت و لا ناسي

على العموم إن لم تستح فأفعل ما شئت,, ولا أقول لك أوقف ويا صاحبك (العدل حياة) اللي يبي يستجوب الوزير المختص إذا ما أقرت الخمس دوائر الحكوميه وينك إنت نايم بالعسل ولا جنك ماتدري ان الفارسي مبسط بالبورصه ولا تدري ان بونايف قاعد يتواصل ويعد دراسه عن معركة الصريف ولا تدري بعد أن الزلزله مشغول الحين بالبحث في اخر صيحة في عالم الجمال..... سألوه مره بندوته ليش سموك يوسف قال لاني ولدت جميلا فأسموني يوسف......واه واه سلام الله عليك سيدنا.....هذي ينراد لها صلوات

!1

1

1

1

1

يب1

يا عمي خله مثل ماقال خالد طول الله عمره .....خلييه

1

1

هذا اللي يقولك إن لم تستح فأفعل ماشئت